И мукьвара Кабар­дино-Балка­риядин меркез Нальчикда грэп­плингдай СКФО-дин чемпионат кьиле­ фена. Округдин вири­ регионрай атанвай 300-дав агакьна спорт­сменри грэпплингдин кьве жуьредай (кимоно алаз ва алачиз) чпин алакьунар  къалурна. КIвенкIвечи чкаяр къазанмишайбурун арада чи ва­тан­эгьлиярни ава.

ИкI, Арсен Сулейма­нов (92 кг-дин за­лан­­вал авайбурун арада) кимоно алачиз — 1 ва Имам Жамирзеев (100 кг-дилай виниз заланвал авайбурун арада) кимоно алаз – 1 ва кимоно алачиз 2-чкайриз ла­йихлу хьана.

***

И йикъара Чечнядин меркез Грозныйда дзюдодай СКФО-дин кIвен­кIвечияр майдандиз акъудун патал итимрин арада акъа­жунар кьиле фена. Ана иштира­кай чи ватанэгьлийрикай кьведа приз­дин чкаяр­ кьуна. ИкI, Рамин Баязов (90 кг-дин заланвал авайбурун арада) — 3 ва Абдул-Ла­­тиф Латифов (100 кг-дин заланвал авайбурун арада) 2-чкайриз лайих­лу хьана.

СКФО-дин кIвен­кIве­чивал патал акъа­­жунра гъалиб­ви­­лер къазанмишай­ спортсменри­, гьа гьисабдай яз чи ватан­эгьлийрини гила Россиядин дережадин акъа­жунра чпин устадвал къалурда.

Рагнеда  Рамалданова