И мукьвара Мегьарамдхуьруьн райондин администрацияди дяведин махсус серенжемда иштиракзавай казакрин разведкадин «Терек» батальон патал гуманитарный куьмек рекье тунай. Адак душмандикай военный техника ва блиндажар хуьдай, абур кIеви ийидай маскировкадин сеткаярни квай.
Лугьун лазим я хьи, Мегьарамдхуьруьн райондин агьалийри дяведин махсус серенжемдин иштиракчийриз мукьвал-мукьвал гуманитарный куьмек рекье твазва: махсус техника, суьрсет, алукIдай, ксудай, михьивал хуьдай ва маса шейэр.
Райондин са шумуд хуьре маскировкадин сеткаяр туькIуьрдай гъвечIи цехар ачухнава. Ахьтинбур школайрани кардик кутазва. Анра худда кIвалах физва.
Казакрин «Терек» батальондин регьберри райондин администрациядин кьил Нариман Эфендиеван тIварцIихъ районэгьлийриз «Сагърай куьн!» лугьузвай чар рахкурнава.
Абад Азадов
