24-майдиз Махачкъалада «Гъалибвилин ирсдарар» лишандик кваз кьиле фейи акьулдин къугъунин нетижаяр кьуна. И вакъиадиз талукьарнавай мярекатда РД-дин Кьилин везифаяр вахтуналди тамамарзавай Сергей Щукинани иштиракна.
Къейд ийин хьи, и къугъун цIи кьвед лагьай сеферда тешкилнавай ва, санлай къачурла, республикадин жуьреба-жуьре пипIерай саки 4 агъзурдав агакьна заявкаяр атана. Къугъун иштиракчийриз итижлу жедайвал, видео-суалдин, тестерин, ребусрин къайдада тешкилнавай. Асул тема ЧIехи Гъалибвилихъ, ватанпересрихъ, игитрихъ галаз алакъалу тир.
Финалдиз акъатай 70 командадин арадай виридалайни викIегьбур яз Каспийск шегьердин «Ватанпересар» (1-чка), Рутул райондин «КIвенкIвечияр» (2-чка) ва Леваши райондин Джангамахи хуьруьн мектебдин командаяр (3-чка) яз гьисабна.
Гъалиб хьайи командайриз агалкьунар мубарак авуналди, Ф.Щукина и къугъунихъ акьалтзавай несилар ватанпересар яз тербияламишунин карда еке метлеб авайди къейдна.
Гегьеншдиз РД-дин Кьилин сайтдай кIелиз жеда.
Чи мухбир
