25-майдиз РД-дин Гьукуматдин Председатель Мегьамед Рамазанова вич и къуллугъдал тестикьарайдалай кьулухъ Гьукуматдин сад лагьай заседание кьиле тухвана. Мярекатда республикадин министерствойринни ведомствойрин, федеральный дережадин органрин регионда авай управленийрин, Халкьдин Собранидин векилри иштиракна.
Заседанидал са шумуд месэла веревирдна. Абурун арада аялри гатун лагерра ял ягъун тешкилун, РД-да ГИА (государственная итоговая аттестация) тухуниз гьазурвал акун, РД-дин ЖКХ-дин идарайри кьиле тухвай кIвалахрин нетижаяр кьун ва 2026-2027-йисарин чимивал гудай муддатдиз гьазур хьун, республикада гьасилзавай метягьар «Честный знак» къурулушда регистрация авун, РД-дин госорганра канцеляриядин ва архивдин крар авай гьалдиз къимет гун, республикада бицIи аялрин кьиникьрин гьакъиндай авай гьалар ва абурун кьадар тIимиларун авай.
ТIвар кьунвай месэлайрин гьакъиндай РД-дин илимдин ва образованидин, энергетикадин ва тарифрин, эцигунрин, архитектурадин ва ЖКХ-дин, промышленностдинни алишверишдин министерствойрин, РД-дин Роспотребнадзордин Управленидин, Госжилинспекциядин кьилевайбуру докладар авуна.
Гегьеншдиз РД-дин Гьукуматдин сайтдай кIелиз жеда.
«Лезги газет»
