Хайиди тир «Лезги газетдин» кьилин редактор гьуьрметлу Мегьамед Ибрагьимов!

Уьмуьрдин 90 йисан аршдиз хкаж хьанвай зи тIвар рикIел, мецел атанвай вири ватанэгьлийриз ЧIехи Аллагьди сагълам, шад уьмуьр­, бахтар, берекатар, вири жуьредин къулайвилер, регьятвилер гурай!

Зи юбилейдин шадвилерик кьил кутур, абур тешкилай, кьиле­ тухвай Шерифали бубадин невейрикай тир Демиран уьмуьрди мадни нур гурай, заз вилерин ишигъ хтай кьван шадвал гайи адан руьгь мадни нурлу, намус мадни михьи, секин бажарагъ мадни бегьерлу хьурай!

Пак Шалбуз дагъдин къужахда авай зи Ахцегь шегьер мадни абад, авадан хьурай! Райондин регьберрихъ чпи гуьзлемишзавай хьтин агалкьунар хьун зи мурад я.

Зи шадвилик пай кутаз, заз мугьман хьайи «Лезги газетдин» редакциядин са десте журналистри, акьалтIай четин шартIара чи хайи газет республикадин милли газетрин арада сад лагьай чкадал хьуни, зав зун коллективдин арада амайди гьиссиз туна.

Инанмиш я, чи санал янавай шикилни и келимайрихъ галаз санал газетдин чинал къведа.

Зи хайи хуьре за авур хъсан крар себеб яз, ам дагълара амукьун ва зун рикIел аламай кас-мас аматIа, за абурузни баркалла лугьузва.

Еке гьуьрметдивди,

агъсакъал Казим  Казимов.