9-Майдиз ЧIехи Гъалибвилин 81 йис тамам хьунин сувар, виринра хьиз, Мегьарамдхуьруьн райондани чIехи несилдин инсанрал кьил чIугуналди, абурун гуьгьуьл къачуналди, шад гьалара теб­рик авуналди къейдна.

ИкI, Гъепцегьрин­ хуьруьн кьил ­Алфигар  Алиев  ва  хуьруьн  де­путат­рин собранидин председатель­ Кас­мудин Меликов ина яшамиш жез­вай­ зегьметдин  ветеран,  алай  йисуз­ ­ вичин ­уьмуьрдин 95 йисан юби­­лей­ ­къейд­навай Шагьмирза Рама­за­но­вич­ Мирземетоваз мугьман хьана. Хуьруьн кьили адав рикIел аламукьдай пишкешар вахкана.

Ватандин ЧIехи дяведин йисара далу­ пата гьакъисагъвилелди зегьмет чIугур ва ислягь девирдани Мегьарамдхуьруьн ЦРБ-да «Тади куьмекдин» фельдшер яз 50 йисуз кIвалахай агъсакъалдин тIварунихъ мугьманри­ тебрикдин чими келимаяр лагьана, адахъ яргъал уьмуьр ва мягькем сагъвал хьун алхишна.

Шагьмирза Рамазановича вичин­ уьмуьр­дин ва зегьметдин рекьер, кIвалахдин йисара хьайи итижлу дуьшуьшар рикIел хкана ва мугьманриз сагърай лагьана.

Чи  мухбир