20-апрелдилай 26-апрелдалди Дагъустанда улакьрин 27 авария хьана. Рекьера гьерекат авунин къайдайрал амал тавуникди арадал атай ДТП-рин нетижада 2 кас кьена (сад аял я) ва 35 касдал гьар жуьредин хирер-кьацIар хьана.
РД-дин МВД-дин госавтоинспекцияди и йикъара Махачкъала шегьердин рекьерин къурулушдин хатасузвилел гуьзчивал тухуниз талукь серенжемар кьиле тухвайдакайни хабар гузва. Кьилди къачуртIа, меркездин 68 куьче ахтармишна. Нетижада чкадин администрациядиз винел акъуднавай нукьсанар арадай ахкъудунин патахъай чарар ракъурнава.
«ЛГ»
