Республикадин МФЦ-дин идарайрин пешекарри кьетIен гьалара хасаратвилер хьайи ватандашриз паспорт куьруь вахтунда гуьнгуьна хутаз куьмек гузва.
И кар фад кьилиз акъудун патал пешекарри амукьай гьар гьихьтин хьайитIани документдин копияр ва я шикилар агакьарун теклифзава. Идалайни гъейри, документдикай асул делилар авай «Госкъуллугъар» порталдиз гьахьиз жедай мумкинвал аваз хьуни паспорт вахчунин месэла асантарда.
СВО-дин иштиракчияр патал
Дяведин махсус серенжемдин иштиракчийриз талукь яз МФЦ-дин идарайра гзафни-гзаф кьилиз акъудзавай 3 къуллугъдик агъадихъ къейдзавайбур акатзава:
– СВО-да иштиракзава лагьана тестикьарзавай справка (ам иштиракчидиз вичиз ва я адан хизандиз гузва);
– Гьавая чилин участок гун патал СВО-дин иштиракчияр ва абурун хизанэгьлияр учетда эцигун;
– СВО-дин иштиракчийрилай медицинадин реабилитациядин ва курортда сагъарунин къуллугъриз талукь арзаяр кьабулун.
Алава яз, махсус серенжемда иштиракзавайбур ва абурун хизанар патал МФЦ-да вири месэлайрин патахъай кьилди куьмек гудай координационный центр кардик ква.
Пулсуздаказ меслятар къачуз кIанзавайбурувай «ифей линиядин» нумрадиз зенг ийиз жеда: 8 (8722) 699-111.
«Лезги газет»
