“Лезги газетдиз” РД-дин информатизациядин, алакъадин ва массовый коммуникацийрин министерстводин пресс-къуллугъди хабар гайивал, Дагъустандин Кьилин грантрин конкурсдин сергьятра аваз, СМИ-рин хиле 10 проектдиз пулдин такьатар чара авуналди, куьмек гуда. СМИ-рин векилар патал тайинарнавай 10 грантди, санлай къачурла, 2 миллионни 750 манат тешкилзава.
Къейд ийин хьи, 10 грантдикай 2 (гьар сад — 250 агъзур манат) — милли чIаларал акъатзавай СМИ-рин журналистрин проектриз, 1 (450 агъзур манат) — экстремизмдикайни терроризмдикай авай хаталувал ачухарзавай телепередачайрин цикл гьазуруниз, 2 (гьар сад — 200 агъзур манат) — Интернетда республика хъсан патахъай машгьурзавай проектриз, 2 (гьар сад — 300 агъзур манат) — журналистри инновациядин тематикадай гьазурнавай проектриз, 2 (гьар сад — 250 агъзур манат) — яшайишдин метлеб авай видеороликар гьазуруниз ва абур раиж авуниз, 1 (300 агъзур манат) жегьилрин арада меденивал машгьурзавай проектдиз чара ийида.
Тамам делилар тIвар кьунвай министерстводин сайтда ава.
«Лезги газет»
