Фейзудин Нагъиеван – 75 йис
15-апрелдиз нисинин сятдин 2-даз (14:00) Махачкъалада Р. Гьамзатован тIварунихъ галай ктабханадин залда Дагъустандин халкьдин шаир, гьикаятчи, филологиядин илимрин доктор, литературовед, Дагъустан Республикадин медениятдин лайихлу къуллугъчи Фейзудин Нагъиеван 75 йисан юбилейдиз талукьарнавай мярекат кьиле фида.
Шииратдин межлисдиз лезгийрин яратмишдай интеллигенциядиз, лезги районрин администрацийрин векилриз, журналринни газетрин, радиодинни телевиденидин къуллугъчийриз, Дагъустандин писателрин союздин векилриз, вузра, колледжра, мектебра кIелзавай аялриз, абурун муаллимриз, милли эдебиятядал рикI алай гьар са ватанэгьлидиз теклифзава.
Алай вахтунда республикадин милли ктабханада Фейзудин Нагъиеван яратмишунриз талукьарнавай «Грани творчества» выставка кардик кутунва.
«Лезги газет»
