Са шумуд югъ идалай вилик Калининградда Андрей Шумилинан Кубок патал 24 йисал къведалди яшарин жегьилрин арада азаддаказ кьуршахар кьунай кьиле фейи международный турнирда чи халкьдин векилрикай машгьур спортсмен Рагьман Малагьмедов (125 кг-дин заланвал авайбурун арада) – 1 ва Ямало-Ненецкий автономный округда яшамиш жезвай Къурбанисмаил Къурбанисмаилов (92 кг-дин заланвал авайбурун арада) 3-чкайриз лайихлу хьана. Гила кьве жегьилдини Россиядин кIвенкIвечивал патал акъужунриз гьазурвал аквада.
РикIел хкин: вичин ери-бине Кьурагьай тир Р. Малагьмедов Махачкъалада дидедиз хьана. Ина Олимпиададин резервдин 3-нумрадин спортшколада тренер Гьасан Абдубасирован гъилик вичин устадвал хкажзава. 2023-йисуз Туьркиядин Стамбул шегьерда 17 йисал къведалди яшара авай жегьилрин арада кьуршахар кьунай дуьньядин кIвенкIвечивал патал кьиле фейи акъажунра ам 110 кг-дал къведалди заланвал авайбурун арада буьруьнждин медалдиз лайихлу хьана. Чи ватанэгьли спортдин кесерлу маса майданра къазанмишнавай гъалибвилерин сагьибни я.
Регина Семедова
