Самур округдин Чахчарин хуьре дидедиз хьана. ТIебии алакьунар авай жегьилди халкьдин арада фад машгьурвал къазанмишна. Намус михьи, гьахъ кIани Мирима девлетлуйриз акси чIалар туькIуьрзавай ва чуьнгуьрдихъ галаз лугьузвай. Ашукьдин крар-гафар бегенмиш тахьай Куьре округдин начальникдин эмирдалди ам дустагъна. Дустагъдай катай Мирим, къачагъ хьана, Куьрединни Къубадин тамара гьатна. КцIарин тама жандармайри кьур ам 1905-йисуз тарагъаждиз акъудна.
«Лезги газетдин» 2026-йисан 11-нумрадай
