ЧIехи Гъалибвилин – 81 йис

Дагъустандин кард

(СССР-дин Игит Эсед Салигьован экуь къаматдиз)

КIиридай тир кьегьал хва,

Халис кард тир дагъларин.

Адаз къуват ганавай

Суварини багълари.

 

Вафалу яз Ватандиз,

КIвенкIве хьана женгера.

Инадар кьаз душмандиз,

Туна абур кIевера.

 

Тежрибалу регьберди

Чандилай гъил къачуна,

Терс фашистрин сенгердин

Дестек барбатI авуна.

 

Тергиз душман ацалтай

Вун яракь хьиз хци тир.

Игитвилиз акьалтIай

Къимет гана чIехи тир.

 

Эсед, ви тIвар рикIера

Хуьзва куькIвей чирагъ хьиз.

Вун чи халкьдин юкьвава

Даим чими са рагъ хьиз…

«Лезги газетдин» 2026-йисан 7-нумрадай.