Аккурум

Дагълух Алтайдин Къарасу дереда къваларив гвай чкайрилай тафаватлу чка ава – Аккурум. Анин кьетIенвал тикдаказ хкаж хьанвай къванерихъ галаз алакъалу я. Адетсуз кIалубдин къванериз гьакIни «къванцин къарникъузар» лугьузва. Гьакъикъатдани, абур къарникъузриз гзаф ухшар я.

Дагълух Алтайда Аккурум турист­­рин фикир гзаф желбзавай, ки­ли­гу­низ лайих тир чкайрик акатзава­. Къванцин къарникъузар авай и чка 1960-йисалай государстводин къаравулвилик ква, 1980-йисуз аниз государстводин къурухдин дережа гана.

Бязи къванерин кьакьанвал 7-8 метр­див агакьзава, кукIвал алай «бапIахрин» диаметр саки 2 метрдиз барабар я. Виридалайни аскIан къванерин кьакьанвилел 1 метр ала.

ТIебиат ахтармишзавай пешекарри­ къейдзавайвал, 2003-йисуз, регионда гуж­лу залзала хьайила, «къарникъузрин» аку­нар бегьемдиз дегиш хьана. Пешекаррин фикирдалди, мукьвал йисара къванер михьиз терг хьун мумкин я.

«Лезги газет»