Мукьвара Махачкъалада, «Мавел» чапханада, Рухун Рамазана чапдиз гьазурнавай диндин «ЯхцIур суал» тIвар алай ктаб чапдай акъатнава.
Къейд ийин хьи, и ктабдин автор туьркерин XVI асирдин машгьур алим, писатель Фурати я. Асул гьисабдай ана пайгъамбаррикай, асгьабрикай, Мугьаммад пайгъамбардин (Аллагьдин патай салават ва салам хьуй вичиз) терефдаррикай, Ислам диндин тарихдикай итижлу делилар гьатнава.
Лагьана кIанда, Рухун Рамазана и ктаб лезги чIалаз са шумуд йис идалай вилик элкъуьрнай. Ана гьатнавай материалар жуьреба-жуьре йисара «Лезги газетдизни» акъатна. Гила, са кьадар йисар арадай фейила, таржумачиди «ЯхцIур суал» кьилдин ктаб яз чапдай акъудун кьетIна.
Ктаб къачуз кIанзавайбурувай телефондин и нумрадиз зенг ийиз жеда: 8928-561-56-09.
Чи мухбир

