Гьар жуьре гьайванрикай делилар

.  Филдин сухван заланвал кIуьд килограмм кьван хьун мумкин я.

.  Нек хъвадай гьайванрин иви яруди я, гьашаратрин иви – хъипиди, омаррин (пахлахандин жуьре) – вилиди.

.  Цеквер садрани ксузвач.

.  КицIерикай анжах басенджи жинсининбурувай амп ийиз жезвач.

.  Къугьдин бедендал 25 агъзурдалай гзаф цIакулар ала.

.  Электричестводин угордивай 12 лам­па куькIуьриз жедай кьван энергия гьасилиз жеда.

.  Гъуьлягърин вилериз кьебекьар агалнавайлани экв аквазва.

.  ХъиткьитIар кутуртIа, гьамбардин кьиферивай хъуьрез жеда.

.  Крокодилривай мез экъисиз жезвач.

.  Креветкадин рикI келледа ава.

.  Фитедик жедай пепедивай вичин бе­дендилай 50 сеферда артух заланвал авай пар тухуз жеда.

.  ТIишик гьамиша хъвер квайвиляй квокка гьайван виридалайни бахтаварди яз гьисабзава.

.  Дельфиндин мефтIедин анжах са пай ксузва. Уях яз амукьзавай кьвед лагьай паюни кьуд пата кьиле физвай гьаларал гуьзчивал тухузва.

.  Жанавурривай са сеферда 20 кг як санал нез жезва.

.  Индияда 50 миллион маймун ава.

.  Вили китдин заланвал санлай пуд филдин заланвилиз барабар я.

.  ЧIижре вичин уьмуьрда чайдин тIу­рунин цIикьведай са пай вирт арадал гъизва.

.  Ирландияда, Исландияда, Гренландияда ва Антарктидада гъуьлягъар авач.

.  Калин некIедив гекъигайла, цIегьрен некIедик 5 сеферда артух чIем ква.

.  Гьуьлуьн лиферивай (чайка) уьцIуь яд хъваз жезва: абурухъ бедендикай артухан кьел хкуддай махсус цIумаруф ава.

.  Эму девекъушдивай кьулу-кьулухъ къекъвез жезвач.

.  Вечре юкьван гьисабдалди са йисуз 190 кака хазва.

«Лезги газет»