Дагъустандин МФЦ-ди дяведин махсус серенжемдин иштиракчийриз ва абурун хизанриз вири патарихъай куьмекар гунихъ элкъуьрнавай «Помощь СВОим» проект кардик кутунва.
Проектдин сергьятра аваз, военнийриз учирра акъваз тавуна къуллугъ ийизва. Артуханвал ам я хьи, СВО-дин иштиракчидивай, са сеферда МФЦ-диз атана, талукь дережадин справка ва куьмек яз тайинарнавай 38 серенжемдиз талукь кьезилвилер санал туькIуьриз жезва.
Къейдзавайвал, 2025-йисуз ихьтин справкаяр 1-агъзурдалай гзаф ганва. И документди хизанриз кьезилвилерикай энгелвилер авачиз менфят къачудай мумкинвал гузва.
СВО-дин иштиракчидиз талукь дережа гьасятда тестикьарзава ва адан гуьгъуьналлаз кьезилвилер къачуниз талукь арза вугузва.
МФЦ-дин пешекарри ихтилатзавайвал, «Помощь СВОим» – им дяведин махсус серенжемда иштиракзавай кьегьалриз куьмек гун патал Дагъустанда кьилиз акъудзавай хъсан проектрикай сад я.
«Лезги газет»
