И йикъара Дагъустан Республикадин медениятдин министерство арадал гъайидалай инихъ 90 йис тамам хьанва. И шад вакъиа Дагъларин уьлкведин медениятдин хилен векилриз, вири дагъустанвийриз алай вахтунда РД-дин медениятдин министрдин везифаяр тамамарзавай Зарема Бутаевади мубаракна.
Эхиримжи йисара республикадин медениятдин министерстводи дагъви халкьарин адетар, сеняткарвилер, искусстводин девлетлу ирс хуьн, вилик тухун, вири дуьньядиз машгьурун патал еке кIвалах кьиле тухузва. Дагъустандин Кьилин ва федеральный проектрин куьмекдалди районра, шегьерра цIийи ктабханаяр, медениятдин кIвалер эцигзава, тарихдин ва архитектурадин метлеб авай надир гуьмбетар цIийикIа туькIуьр хъийизва…
Дагъустан хореографиядин ансамблралди, бажарагълу манидарралди, жуьреба-жуьре сенятрин сирер чидай устадралди девлетлу я. Абуру чпин яратмишунралди уьлкведин ва дуьньядин кесерлу сегьнейра Дагъларин уьлкведин къамат гьихьтинди ятIа къалурзава.
«Лезги газет»
