МВД-дин хроникадай
Алатай гьафтеда Дагъустандин Госавтоинспекциядин къуллугъчийри рекьерин гьерекатрал амал тавур, кьилди къачуртIа, гьалзавай машинар къанунсуздаказ къарши рекьиз акъудай 683 водитель административный жавабдарвилиз чIугуна.
Госавтоинспекциядин пресс-къуллугъди рикIел хкизвайвал, а патай машинар къвезвай къарши рекьиз экъечIун гьакIан къайда чIурунин амал ваъ, гьам жуванни пассажиррин, гьамни къарши патай машинда аваз къвезвайбурун уьмуьр еке хаталувилик кутун я. Чиз-чиз къайда чIурунин амал акъудунин нетижада легьзейра инсанар телеф хьун мумкин я. Делилриз фикир гайитIа, арадал къвезвай лап чIуру, телефвилерал гъизвай аварияр гзафни-гзаф къарши рекьиз экъечIунихъ галаз алакъалубур я.
«Лезги газет»
