2026-йисуз Дагъустанди харжзавай пуларин кьадар 18 миллиард манатдин артух жеда. Идан гьакъиндай РД-дин Халкьдин Собранидин бюджетдин комитетдин заседанидал Дагъустандин финансрин министрдин везифаяр вахтуналди тамамарзавай Шамил Дабишева хабар гана.

«2026-йисуз республикадин бюджетдиз къвезвай пулари 227,3 миллиард манат тешкилда. Алатай йисандав гекъигайла, им 3,3 миллиард манатдин гзаф я. Жуьреба-жуьре рекьериз харжзавай пуларин кьадар 18 миллиард манатдилай виниз алатда, яни харжзавай пулари 245 миллиард манат тешкилда», – лагьана Ш. Дабишева.

Къейд авурвал, бюджетдин алава пулар икI харжзава: милли экономикадиз – 6,2 млрд манат, ЖКХ-диз – 4,7 миллиард, образованидиз – 2,3 млрд., здравоохраненидиз – 1,7 млрд. ва спортдизни – 1,1 миллиард манат.

Бюджетдин пулар чара авуниз талукь дегишвилерни ава. Адакай гегьеншдиз РД-дин Халкьдин Собранидин сайтдай кIелиз жеда.

Хийир Эмиров