Дагъустандин Кьил Сергей Меликован тапшуругъдалди Кьурагь райондин регьбер Замир Азизов ва райондин дишегьлийрин общественный советдин председатель Эльмира Исаева Россиядин Игит Зейнудин Батманован хизандиз мугьман хьана. Игитдин хендеда Жамиля Халидовна Батмановадиз абуру 60 йисан юбилей тебрикна. Замир Азизова Дагъустандин Кьилин тIварцIихъай дишегьлидив тебрикдин тел вахкана ва адаз цуьквер багъишна.
Сергей Меликова тебрикдин чарче къейднавай: «Гьуьрметлу Жамиля Халидовна! Квез юбилей мубаракрай! Куьне чимидаказ хуьзвай хайи къула Батмановрин дуствилин чIехи хизандиз мадни кьакьан кукIушар муьтIуьгъардай, Ватандин абадвал патал намуслудаказ къуллугъдай къуватар гузва. Куьн чаз руьгьдиз девлетлу, рикI къени, масадан дердиникай хабар кьадай дагъви дишегьли яз чида, гьахьтинди яз датIана амукьун Квез рикIин сидкьидай алхишзава. Куьне гьар юкъуз инсанриз гузвай дикъет ва къайгъударвал квев виш сеферра артух хъхьана агакьрай. Квехъ ва Куь багърийрихъ чандин мягькем сагъвал, хизанда хушбахтлувал, кьилелни ислягь цав хьурай!»
Гуьруьш шад гьалара кьиле фена. Мугьманри Жамиля Батмановадиз яргъал уьмуьр, хизанда бахтлувал хьун алхишна ва веледриз лайихлудаказ тербия гунай сагърай лагьана.
Р. Семедова
