17-февралдиз Махачкъалада РД-дин информациядин ва печатдин агентстводин коллегия кьиле фена. Адан сергьятра аваз, идарадин кьил Арсен Юсупова алатай йисуз кьиле тухванвай кIвалахрин нетижаяр кьуна.
А.Юсупова къейд авурвал, республикадин информациядин хиле хьайи важиблу крарикай сад цIийи холдингар арадал гъун я. РикIел хкин, 2023-йисуз, милли чIаларал акъатзавай газетар сад авуна, «Дагъустан» этномедиахолдинг арадал гъанай. Шаз лагьайтIа, жуьреба-жуьре СМИ-яр, чапханаяр сад авунин нетижада «Дагмедиа», «Даггосиздат» цIийи идараяр кардик кутуна. Агентстводин регьбердин гафаралди, информациядин къурулушда кьиле фенвай дегишвилери республикадин СМИ-яр вилик финиз таъсирда.
Коллегиядал гьакIни докладар гваз РФ-дин журналистрин союздин Дагъустанда авай отделенидин председатель Мегьамед Ибрагьимов, «Дагъустан» РГВК-дин регьбер Камила Гьамзатова ва масабур рахана.
Мярекатдин эхирдай Арсен Юсуповани Мегьамед Ибрагьимова са жерге журналистрив шабагьар вахкана.
Гегьеншдиз РД-дин информациядин ва печатдин агентстводин ТГ-каналдай кIелиз жеда.
Чи мухбир
