Аллагьдин кьадардалди чна мад сеферда берекатрив ацIанвай пак рамазандин варз кьабулнава. Мусурманар патал Аллагьди тайинарнавай къайдайралди, акьулбалугъ, сагълам гьар са динэгьлиди рамазандин вацра сив хуьн лазим я. И вацра сив хуьн Исламдин вад дестекдикай сад я.
Диндин ктабра къейднавайвал, рамазандин вацра Аллагьди рикIин сидкьидай дуьа авур мусурманрин гунагьрилай гъил къачузва. Хийирдин, къени, хъсан кIвалахрай гзаф кьадар сувабар кхьизва, пис кIвалахрай лагьайтIа, — пара гунагьар. Гьавиляй чун и пак вацра ва адалай кьулухъни Аллагь рази жедай крарин иесияр жез алахъна кIанда.
Играми газет кIелзавайбур! Къуй чаз Аллагьди рамазандин вацра регьятдиз сивер хуьдай мумкинвал гурай ва гьар са мусурмандин ибадатар кьабулрай! Чун Аллагьдин регьимдик квайбурукай хьурай. Амин!
Рамазандин варз квез рикIин сидкьидай мубаракрай, азизбур!
«Лезги газет»
