И йикъара Ленинграддин областдин кIвенкIвечивал патал 23 йисал къведалди яшара авай жегьилрин арада кьиле фейи акъажунра Рамин Сябетова 100 кг-дилай гзаф заланвал авайбурун арада 2-чка кьуна.
Кьурагь райондин Аладашда чIехи хьанвай (бубайрин ери-бине Бахцугъай я), алай вахтунда Санкт-Петербургда яшамиш жезвай Р. Сябетован агалкьунрикай чна виликдайни хабарар гана. Дзюдодай спортдин мастер, жуьреба-жуьре турнирринни кIвенкIвечивилер патал акъажунрин гъалибчи тир ада медицинадин колледжда кIелзава. Спортдални рикIивай машгъул хьун давамарзава. Ада тренерар тир Х. Сябетован ва А. Ивченкодин регьбервилик кваз вичин устадвал хкажзава.
Рагнеда Рамалданова
