Дагъустандин Кьил Сергей Меликован Указдалди РД-дин Халкьдин Собранидин депутат Имам Музамудинович Яралиеваз гьукуматдин «За милосердие и благодеяние» гьуьрметдин лишан ганва.
Машгьур меценатдиз шабагь ада яргъал йисара тухузвай мергьяматлувилин кIвалахдай, Украинада кьиле физвай махсус серенжемдин иштиракчийриз ийизвай куьмекрай ганва.
Имам Яралиеван мергьяматлувилерикай гзафбуруз хабар я. Ада неинки са лезги районра, гьакIни Дагъустандин маса муниципалитетрани мергьяматлувилин, авадан авунин хейлин кIвалахар кьиле тухванва ва и крар чи йикъарани давам жезва. Ам гьакIни фадлай «Лезги газетдин» вафалу амадагрин жергейрани ава.
«Лезги газетдин» редакциядин коллективди
Имам Музамудинович Яралиеваз лайихлу шабагь
мубаракзава, адахъ чандин сагъвал ва мадни агалкьунар хьун алхишзава.
