Алатай ислендиз, 15-декабрдиз, Дагъустандин Гьукуматдин Председатель Абдулмуслим Абдулмуслимован регьбервилик кваз кьиле фейи совещанидал полиомиелитдиз акси рапар ягъунин серенжемдикай (республикада кьве паюникай ибарат къайдада кьиле тухузвай адан 2-пай 15-декабрдилай 19-декабрдалди тухун пландик ква) рахана.
А. Абдулмуслимова къенин юкъуз аялрин уьмуьр ва сагъламвал хаталу азардикай хуьдай авай тек са рекьив — адаз акси рапар ягъуналди умуми иммунитет арадал гъунив — жавабдарвилелди эгечIуниз эвер гана. Ада алай йисан 10-ноябрдилай 14-ноябрдалди республикада полиомиелитдиз акси рапар ягъуниз талукь серенжемдин 1-пай кьиле тухвайди рикIел хкана.
— Садакай масадак акатдай са кьадар маса азаррикай хьиз, полиомиелитдикай сагъардай дарманни дуьньяда авач. Гьаниз килигна, азардин вилик пад кьадай авай тек са рекьикай менфят къачун тавуниз рехъ гана виже къведач. Чна республикадин гележегдикай фикирун лазим я. Аялар чи гележег я ва абурни сагъламбур хьана кIанда! — къейдна кабминдин кьили.
Республикада полиомиелитдиз талукь серенжемдин 2-пай кьиле тухуниз талукь гьазурлухвилин кIвалахдикай Дагъустандин здравоохраненидин министр Ярослав Глазова гегьеншдаказ лагьана. Ам кьиле тухун патал медицинадин идараяр лазим кьадар вакцинадалди, рапар ядай бригадайралди таъмин тирди къейдна.
Регина Семедова
