Мегьарамдхуьруьн районда электроэнергиядалди таъминарунин къурулуш цIийикIа туькIуьр хъувунин рекьяй еке кIвалахар кьилиз акъудзава.
Мегьарамдхуьруьн райондин кьил Нариман Эфендиева электричестводалди таъминаруниз ва ТКО-диз талукь, агьалийрик къалабулух кутазвай виридалайни хци месэлаяр гьялун гъиле кьунва. ИкI, ада кьил кутуналди, цIийи трансформаторар, газдин шкафар маса къачунва, «Дагэнерго» ва «Россети» идарайрихъ галаз сих алакъада аваз, абур цIийи хъувунин, цIийикIа туьхкIуьрунин кIвалахрив эгечIнава. Кьилди къачуртIа, и йикъара Мегьарамдхуьруьн Гъалибвилин куьчеда экверин линияр тухванвай шалманар цIийибуралди эвезна.
Регина Семедова
