Якьуб Яралиеван – 95 йис

Алай йисуз лезгийрин машгьур гьикаятчи, таржумачи Якьуб Яралиев дидедиз хьайидалай инихъ 95 йис тамам жезва. 4-декабрдин йикъан сятдин 12-даз Махачкъалада, Дагъустандин писателрин союзда, и юбилейдиз талукьарнавай эдебиятдин мярекат кьиле фида. Ана мумкинвал авай гьар са ватанэгьлидивай иштиракиз жеда.

Якьуб Яралиеван бинеяр Кьурагь райондин Цилингрин хуьряй я. Ада Москвада эдебиятдин институт акьалтIарна, жуьреба-жуьре йисара Дагъустанда лезги чIалал акъатзавай СМИ-ра кIвалахна.

Алакьунар авай гьикаятчидин къелемдикай «Пакамахъ», «Нурар ва хъенар», «Михьи булутар» ва маса ктабар хкатнава. Са ктаб Москвада урус чIалални чапдай акъатна.

«Лезги газет»