25-ноябрдиз Сергей Меликова UFC-дин чемпион Ислам Махачевахъ галаз гуьруьш кьиле тухвана. Къейд ийин, машгьур спортсменди 16-ноябрдиз ярумчух юкьван дережадин заланвиляй чемпионвилин чIул къазанмишна.
ИкI, Россиядин спортсменрин арада сад лагьай сеферда яз ада кьве дивизиондай чемпионвилин тIвар къачуна. Ам винидихъ тIвар кьунвай бягьсерин тешкилатда галаз-галаз 16 сеферда гъалиб хьанва.
Республикадин Кьили И. Махачевав «Физический культурадин ва спортдин хиле лайихлувилерай» медаль — государстводин шабагь — вахкана.
Идалайни гъейри, С. Меликова чемпиондиз ада Нью-Йоркда лагьай гафар кхьенвай суьрет пишкешна. РикIел хкин, Австралиядай тир Жек Делла Маддаленадин винел гъалибвал къачурдалай кьулухъ Ислам Махачева лагьанай: «Чахъ виридалайни къуватлу уьлкве ава, чахъ виридалайни къуватлу республика ава, чахъ виридалайни хъсан пагьливанар ава».
Пагьливанди Дагъустанда спортсменриз датIана куьмекар гунай Сергей Алимовичаз чухсагъул лагьана.
Чи мухбир
