Дяведин махсус серенжемда ишти­ракзавай чи ватанэгьлияр ва абурун хизанар патал санлай уьлкве­­да, гьакIни республикада­ яшайишдин жигьетдай къуватда гьатзавай­ кьезилвилерикайни­ мумкинвиле­ри­­кай чна датIана хабардарзава­. ИкI, Дагъустандин зегь­метдин ва яша­­йиш вилик тухудай министер­ст­­во­дин малуматдал асаслу яз, СВО-дин иштиракчийривай ва абу­рун хизанривай къенин юкъуз­ агъадихъ­ галай 26 серенжемдикай, кье­зил­ви­лерикай менфят къачуз жезва:

1. коммунальный къуллугърин харжийрай 50 процентдин кьадарда аваз пул эвез хъувун (компенсация), амма Россиядин Федерациядин закондалди тайиндаказ тестикьарнавай кьадардилай виниз тушиз;
2. гзаф квартирайрикай ибарат тир кIвалин умуми эменнидин капремонт кьиле тухун патал гьакъикъатда тамамарнавай харжийриз талукь яз взносрай 50 процентдин кьадарда аваз пул эвез хъувун;
3. чимивал гудай къурулуш (центральное отопление) кардик квачир кIвалера яшамиш жезвайла, агьалийриз маса гун патал тайинарнавай кьадарда аваз кудай кIеви затIарин (топливо) къиметдай ва абур чкадал хкун патал рекьерин гьакъидай пул эвез хъувун;
4. яшайишдин кIвализ (помещение) ва коммунальный къуллугъриз талукь яз гзаф квартирайрикай ибарат кIвалин умуми эменнидин капремонт кьиле тухун патал Россиядин Федерацияда тайинарнавай кьадарда аваз взносар вахтунда ва (ва я) тамамдаказ тагунай винел пеня атуникай азад авун;
5. гьукуматдин эменни кирида кьунин икьрардал асаслу яз, киридин пул гунин вахт артухарун ва я идан гьа­­къиндай икьрар жермеяр галачиз къуватдай вегьедай (расторжение) мумкинвал гун;
6. кIвале газдин тадарак эцигунин ва чилин участокдал газопровод тухунин харжийрихъ галаз алакъалу яз са сеферда пулдин такьатар (100 агъзур манат) гун;
7. СВО-дин иштиракчидин ва я адан хизандай са касдин кIвачихъ галай вичиз хуш тир кьезил машиндин (с мощностью двигателя до 200 лошадиных сил включительно) налогдикай ам азад авун;
8. РФ-дин Игитвилин тIварцIиз ва я дяведин махсус серенжемда къалурнавай кьегьалвилерай РФ-дин орденриз лайихлу хьанвай ксариз пулсуздаказ чилин участок гун;
9. дяведин махсус серенжемдин иштиракчидин хизандиз коммунальный къуллугърин харжийрай 50 процентдин кьадарда аваз пул эвез хъувун, амма Россиядин Федерациядин закондалди тайиндаказ тестикьарнавай кьадардилай виниз тушиз;
10. СВО-да телеф ва хирер-кьа­цIар хьайи военный рекьяй къуллугъ­чийрин пешекарвилин чирвилерин идарайра ва вузра кIелзавай аялриз (2500 ва 5000 манат, талукь тирвал) стипендия гун;
11. дяведин махсус серенжемда телеф хьайи касдин хизандиз са сеферда яз 1,25 миллион манат гун;
12. СВО-да телеф хьайи касдин хизан патал пулсуздаказ чилин учас­ток чара авун;
13. республикадин умуми образованидин идарайриз ва аялрин бахчайриз фин патал абур яшамиш жезвай чкайра учир авачиз кьабулун;
14. Дагъустандин юкьван пешекарвилин чирвилерин идарайриз кьа­булзавай аялрин умуми кьадар фи­кирда кьуналди, гьар са пешедай 10 процент аялар кьилдин квотадай анриз кьабулун;
15. Дагъустандин пешекарвилин чирвилерин идарайра юкьван пешекарвилин программайрай кIелзавай вири жуьрейрай студентар икьрардал асаслу яз пулуникай азад авун;
16. республикадин школадиз фидалди яшда авай аялар патал идарайриз килигунай ва гелкъуьнай ди­де-бубади (закондалди тестикьарнавай векилди) гузвай пуларикай азад авун;
17. диде-бубаяр ва (закондалди тестикьарнавай векилар) умуми образованидин алава программайрай гузвай пуларикай азад авун;
18. республикадин сагъламвал мягькемардай гатун лагерриз путёвкаяр учир авачиз гун;
19. республикадин умуми образованидин идарайра кьилин ва юкьван образованидин программайрай чирвилер къачузвай аялриз йикъа садра чими тIуьн гун таъминарун;
20. Дагъустанда кьилин ва юкьван пешекарвилин идарайра сад лагьай сефер яз образование, гьа ­гьисабдай яз бюджетдилай къецяй тир къайдадани, къачун патал кIел­завай студентар общежитида яшамиш хьунай гузвай пулуникай азад авун;
21. хизанда авай ксар сифте нубатда кIвалахдалди таъминарун патал куьмекар гун;
22. чпихъ муьгьтежвал авайди тестикьарнавай ксарив яшайишдин жигьетдай къуллугъар агакьарун, гьа гьисабдай яз — кIвализ фенани;
23. чпихъ муьгьтежвал авайди тестикьарнавай ксар яшайишдин жигьетдай къуллугъдай тешкилатриз сифте нубатда агакьарун;
24. гьукуматдин музейриз, выс­тавкайриз, театрриз вацра садра пул­суздаказ фин;
25. Дагъустанда тешкилнавай гуь­гьуьллубурун «Каспий» батальондик экечIнавай ксариз са сеферда 300 агъзур манат гун;
26. 2025-йисан 20-октябрдилай­ кьулухъ чи региондай икьрар кутIу­най ксариз 2 миллиондив агакьна­ пул гун (Дагъустандин патай вири контрактникриз — 500 агъзур, алава­ яз 500 агъзур — резервдин полкунихъ галаз икьрар кутIуннавайбуруз, федеральный бюджетдай — 400 агъзур, 100-400 агъзур — шегьерринни районрин администрацийрин патай).

Регина Семедова