Квез чидани?

Шикилдай аквазвайди США-да, Канадада ва Мексикадин кеферпата гьалтдай хважамжамдин цIицI я. Адакай сифте яз 1843-йисуз гьашаратар ахтармишунал машгъул пешекар немс Шарпатьеди малуматар раижна.

И цицIерин яргъивилел 2-3 сантиметр кьван жеда. Асул гьисабдай чIулав ранг хас  ятIани, и цицIер цIарубур я: ярувал, хъипивал, туракьвал, къацувал хас я. Жуьреба-жуьре рангар хас тирвиляй адал ихьтин тIвар акьалтнава. Кьулухъ кIвачел цацар жеда. Абурун лувар зайифбур я, гьавиляй абурувай лув гуз жезвач.

ЧIехи хьанвай цицIери гьар жуьредин­ набататар неда. ТIебиатда и гьашаратар вини кьил са йисан муддатда яшамиш жезва.

«Лезги газет»