Ахцегь районда «Мегьарамдхуьр-Ахцегь-Рутул» шегьре рекьелай Ахцегьрин хуьр галайвал саки 4 километрдин мензилда рехъ цIийикIа туькIуьрна акьалтIарнава. Идакай РД-дин транспортдин ва рекьерин майишатдин министерстводин пресс-къуллугъди хабар гузва.
Ам ачухуниз талукьарнавай мярекатда тIвар кьунвай министерстводин, «Дагестанавтодор» ГКУ-дин, муниципалитетдин администрациядин, пудратчи карханадин векилри, районэгьлийри иштиракна.
«Дагестанавтодор» ГКУ-дин регьбердин заместитель Замир Умаханован гафаралди, рехъ цIийикIа туькIуьр хъувунин кIвалахар кьиле тухудайла, и мензилда цIийи кьилелай къир цанва, марфар къвайила, яд авахьна фидай махсус чкаяр туькIуьрнава, яд авахьдай турбаяр кутунва, рекьин къерехар, тротуарар туьхкIуьрнава, улакьрин гьерекатдиз талукь цIийи лишанар эцигнава.
Чи мухбир
