Алай вахтунда Украинада кьиле физвай махсус серенжемда агъзурралди дагъустанвийри намуслувилелди къуллугъзава. Абурукай 15 кас — Россиядин Федерациядин Игитдин тIварцIиз, 13 агъзурдалай виниз ксар гьукуматдин жуьреба-жуьре шабагьриз лайихлу хьанва.
Дагъустанда Ватан хуьзвайбурук руьгь кутун, уьлкведин Яракьлу Къуватрин дурумлувал мягькемарун патал СВО-да икьрардин бинедаллаз къуллугъзавайбуруз са сеферда гузвай пулдин кьадар 2 миллион манатдал кьван хкажзава. И пособие икьрар 20-октябрдилай инихъ кутIуннавайбуруз талукь я. Идакай РД-дин Кьил Сергей Меликова вичин телеграм-каналда хабар гана.
Къейд ийин хьи, алай вахтунда республикада СВО-дин иштиракчийриз ва абурун хизанриз яшайишдин рекьяй жуьреба-жуьре куьмекар гун патал 26 серенжем кьабулнава. Идалай гъейри, Дагъустанда «Доблесть гор» программа вилик тухуниз кьетIен фикир гузва. Ам СВО-дин иштиракчиярни ветеранар патал кардик кутунва.
«Лезги газет»
