И йикъара Краснодарда, азаддаказ кьуршахар кьунай Россиядин спортдин лайихлу мастер Бесик Кудухован экуь къаматдиз бахшна, 21 йисал къведалди яшда авай жегьилрин арада Вирироссиядин турнир кьиле фена. Гзаф йисара хъсан тешкиллувал аваз кьиле тухун адетдиз элкъвенвай и турнирда уьлкведин жуьреба-жуьре пипIерай тир спортсменри гьасиррал чпин устадвал къалурна.
Чи ватанэгьлийрикай ана иштиракайбурукай Москвадин патай экъечIзавай Агъаширин Агъаширинова акъажунрин сад лагьай юкъуз 57 кг-дал къведалди заланвал авайбурун арада 1-чка кьуна.
РикIел хкин: вичик спортда чIехи умудар кутазвай А. Агъашириновани чи гьахьтин мад са спортсмен Шамил Мамедова сентябрдин эхирра азаддаказ кьуршахар кьунай Избербашда Шарапудин Абдулгьалимован экуь къамат рикIел хкун патал кьиле тухвай республикадин 17-турнирдани кIвенкIвечи чкаяр кьунай.
Рагнеда Рамалданова
