Ких

Шикилдай аквазвай гуьрчег къуш ких я. Къати ва пурпу цIакулар, кьилел гьяркьуь какул алай ва са кьадар яргъи тум галай ких тамун къушарик акатзава. Абур Европада, Кеферпатан Африкада, Азияда, Кавказда, Крымда, Иранда, Китайда, Японияда ва масанра яшамиш жезва.

Зулун береда кихери хъуьтIуьн мише­къат йикъара недай ем гьазурзава. Кьилди къачуртIа, абуру мегъвер, кIерецар тарарин талашрик ва чпин гьамишан маса махсус чкайра чуьнуьхарзава.

Кихерихъ галаз алакъалу итижлу делилрикай сад ам я хьи, зиянкар гьашарат­рикай магьрум хьун патал и къушар цекверин кIунтIал ацукьзава. Хъел акатай цеквери чеб инжиклу авур кихрел гьужумзава­ ва адак булдалди кислота акатзава. ЦIа­кулрик акатай кислотади лагьайтIа, лап куьлуь гьашаратар ва хенцIер тергзава.

И къушаривай маса къушарин, гьайванрин ванер акъудиз жезва.

Еке кихер 32-37 сантиметрдин яргъи жеда. Абуру набататарни неда, якни. Европада яшамиш жезвай кихерин жуьрейри мегъвер рикI алаз неда.

«Лезги газет»