Сентябрдин эхирра Москвада кимоно алаз ва алачиз джиу- джитсудай «ACBJJ» лишандик кваз Россиядин чемпионат кьиле фена. Акъажунра заланвилин 95+ категориядай бине Докъузпара райондин Усугъчай хуьряй тир Камалдин Жалалова 1-чка кьуна.
Лезги хцин гъалибвал неинки тек са Камалдин, адан хайи хуьр, гьакIни вири Дагъустандин спорт патал лишанлу вакъиадиз элкъвена. Къастуни, рикI алай кеспидиз вафалу хьуни ва акьалтIай пешекарвили чи ватанэгьлидиз гьакьван кесерлу акъажунра гъалиб жедай мумкинвал гана.
Къейд ийин хьи, спортдилай гъейри, Камалдин Жалалов къецепатан уьлквейрай хкизвай машинар маса гунални машгъул жезва. Эгер чи газет кIелзавайбурун арада машин къачуз кIанзавайбур аватIа, абурувай Камалдин Жалаловахъ галаз алакъадиз экъечIиз жеда: адан «Авто под заказ» тIвар алай телеграм-каналдин куьмекдалди. Шак алач, жуван ватанэгьлийриз ада къиметдин жигьетдай кьезилвилерни ийида.
Чна Камалдиназ спортдин рекье къачунвай нубатдин агалкьун мубаракзава ва идалай кьулухъни адахъ мадни еке агалкьунар хьун алхишзава. Анжах — виликди!
Агьмед Магьмудов
