Дагъустандин Кьил Сергей Меликова РФ-дин Госсоветдин Украинада кьиле физвай махсус серенжемдин иштиракчийриз куьмекар гунин месэлайрин гьакъиндай кардик квай комиссиядин заседанида иштиракна. Ам РФ-дин Президентдин куьмекчи, Госсоветдин секретарь Алексей Дюмина кьиле тухвана.
Заседанидин сергьятра аваз, уьлкведин регионрин гьукумдин векилри чкайрал СВО-дин иштиракчийриз, абурун хизанриз куьмекар гун патал кардик кутунвай программайрикай, кьабулзавай серенжемрикай ихтилатна.
Лагьана кIанда, Дагъустанда ихтилат физвай месэладиз кьетIен фикир гузва ва ам республикадин Кьил Сергей Меликова вичин гуьзчивилик кутунва. Кьилди къачуртIа, регионда СВО-дин иштиракчияр патал яшайишдин рекьяй 26-дав агакьна кьезилвилер (льготаяр) кардик кутунва. Абурун арада пулдин куьмек, чилер чара авун, коммунальный къуллугъриз акъатзавай харжийрин са пай вахкун ва масабур акатзава. Идалай гъейри, Дагъустанда СВО-дин ветеранар, иштиракчияр патал «Доблесть гор» программа арадал гъанва. Халкьдин Собранида С.Меликован теклифдалди СВО-дин ветеранрин ва иштиракчийрин крарин рекьяй кьилдин Комитет, РД-дин Кьилин ва Гьукуматдин Администрациядин къурулушда махсус отдел кардик кутунва.
Гегьеншдиз РД-дин Кьилин сайтдай кIелиз жеда.
Чи мухбир
