Бабирусса

Шикилдай аквазвайди вакIарин килфетдик акатзавай, нек хъвадай гьайван я. Пешекарри кхьизвайвал, бабируссаяр Индонезияда яшамиш жезва. Ихьтин гьайванрин 3-4 жуьре малум я.

Малайзиядин чIалай таржума авурла, «бабирусса» гафунихъ «вак-мирг» мана ава. Тажуб жедай кар туш, гьам вакIан, гьамни миргин лишанар-ухшарвилер авайвиляй и гьайвандал гьахьтин тIвар акьалтнава.

Эркек бабируссайрин вини патан гунгар лап яргъи жезва. И гьайванрин рикI алай чкаяр тропикрин тамар, вацIарин кьерер ва цин набататар авай маса чкаяр я. Бабируссайри гьар са шей неда: пешер, дувулар, емишар, юкьван тар авачир ва маса куьлуь гьайванар. Абурун рекъверни сарар акьван мягькем я хьи, абурувай лап кIеви кIерецарни хаз ва нез жезва.

Яру ктабда и гьайванар терг хьунин гьалдиз акъатзавайбур яз тестикьарнава, гьикI хьи, бабируссаяр яшамиш жезвай майданди 20 агъзур квадратный километр кьван мулкар кьазва. Инсанри тамарай кIарасар атIузвайвиляй бабируссаяр яшамиш жезвай мулкарин кьадар къвердавай тIимил жезва.

«Лезги газет»