СтIал Сулейманан райондин Алкьвадрин хуьре авай чIехи алим Алкьвадар Гьасан эфендидин тIварцIихъ

галай музейдин директор, тежрибалу муаллим

Гьуьсейн Имамович Гьуьсейноваз:

Векил машгьур хизандин —

ТIвар хкажай Ватандин

Хуьзва куьне музейда

Ирс — гьакьван чаз масан тир.

Тарихдин дегь сирерай,

Кьил акъудиз гелерай,

Куьне кхьей ктабар

Ава къе чи гъилера.

Зайиф тахьуй камар куь,

Къуватарни гьунар куь!

ЦIарарани чарара

Чи бубайрин тIварар хуьз.

Сагъвал хьурай кIубан тир,

Агалкьунар — кьакьан тир.

Гьалт тавурай уьмуьрда

Крар четин, залан тир.

Квез баркаллу 80 йисан юбилей мубаракзавай Алкьвадар Гьасанан тIварцIихъ галай медениятдинни  марифатдин центрадин коллектив