СтIал Сулейманан райондик акатзавай Сальян (Салиян) хуьр арадал атай вахт малум туш. Сальянар Кьасумхуьруьвай 6 километрдин яргъа мензилда ава. Хуьр Испикрин администрациядик акатзава.
1886-йисан переписдин делилралди, Сальянрин хуьре 39 майишат ва 165 агьали (81 итим ва 84 дишегьли) авай. Агьалийри, лежбервилел, малдарвилел машгъул жез, кьил хуьзвай. Дяведин вахтунда и хуьряй 24 кас фронтдиз фена, абурукай анжах 4 касдиз элкъвена хтун кьисмет хьана.
1966-йисуз хьайи залзаладилай кьулухъ сальянвийрин са пай ЦIийи Испикрин хуьруьз куьч хьана, муькуь пай — Кьасумхуьрел, Кьулан СтIалдал ва Дербентдиз.
Чи йикъара хуьре 18 майишат ва 62 агьали ама.
Мурад Мегьамедкеримован «СтIал Сулейманан район: тарихдин гелерай» ктабдай.
