Вичин ери-бине Мегьарамдхуьруьн райондин Самурдай тир, алай вахтунда Нижневартовскда яшамиш жезвай Камал Гьажиева джиу-джитсудай мукьвара чIулав чIул къазанмишнава.
Къейд авун лазим я хьи, джиу-джитсудай лацу чIулунилай чIулав чIулуналди рехъ атIун патал 8-12, бязибуруз 15 йисни лазим къвезва. Гьа са вахтунда бязи спортсменриз, чи ватанэгьли хьтин кьетIен бажарагъдин сагьибриз, 6-7 йис бес жезва.
***
И йикъара Махачкъалада грэпплингдай кьиле фейи Россиядин ачух чемпионатда вичин ери-бине Кьурагьай тир Гьажи Гьабибуллаева 66 кг-дин заланвал авай жаванрин арада (но ги разделдай) гъалибвал къазанмишна.
Чаз чир хьайивал, чи ватанэгьлияр лайихлу хьанвай гъалибвилерихъ садни кьве йикъан зегьмет галач. Спортдал рикIивай машгъул жезвай абурухъ мадни еке агалкьунар хьун чи мурад я.
Рагнеда Рамалданова
