«Лезги газетдиз» РД-дин Гьукуматдин пресс-къуллугъди хабар гайивал, Сергей Меликован тапшуругъдалди 20-августдиз Дагъустандин премьер-министр Абдулмуслим Абдулмуслимов Запорожьедин областдиз мугьман хьана.
Чешмедин малуматралди, ина А.Абдулмуслимова областдин губернатордихъ ва чкадин гьукумдин органрин векилрихъ галаз гуьруьш кьиле тухвана. Идалай гъейри, республикадин Гьукуматдин Председателди Украинада кьиле физвай махсус серенжемда иштиракзавай аскеррал кьил чIугуна, абурув женгинин везифаяр кьилиз акъудунин карда герек къведай затIар вахкана.
А. Абдулмуслимов и гьафтеда Запорожьедин областдин Михайловский райондизни фидайвал я. РикIел хкин, Дагъустанди и районда дяведин гьерекатрин нетижада хасаратвилер хьанвай къурулушар цIийикIа туькIуьр хъувунин карда куьмекзава. РД-дин Гьукуматдин Председателдихъ галаз Запорожьедин областдиз республикадин са шумуд министерстводинни ведомстводин кьилерни фенва.
Гегьеншдиз — РД-дин Гьукуматдин сайтда
