И йикъара Мегьарамдхуьруьн районда здравоохраненидин къуллугъчийрин Республикадин Спартакиададин зональный пай кьиле фена. И гьакъиндай «Лезги газетдиз» райондин администрациядин пресс-къуллугъди хабар гузва.

Кьиблепатан Дагъустандин 4 райондин здравоохраненидин векилрин командайри чпин арада спортдин жигьетдай виридалайни викlегь десте хкягъун патал акъажунар кьиле тухвана.

Чпин кlубанвал, къуватлувал ахтармишун патал Мегьарамдхуьруьн, Докъузпара, Ахцегь ва Рутул районрин медкъуллугъчийрин командаяр кlватl хьанвай. Конкурсдин къайдадал асаслу яз, зонадин паюна гъалиб хьайи командади, 21-23-сентябрдиз Махачкъалада кьиле фидай республикадин паюнани иштиракун лазим я. спартакиададин программадик спортдин са шумуд жуьре ква. Акъажунар волейболдай кьиле фена. Къугъунин нетижада сад лагьай чка Мегьарамдхуьруьн ЦРБ-дин командади кьуна.

«Лезги газет»