Са шумуд югъ идалай вилик Калужский областдин Медынь шегьерда универсальный женгерай кьиле фейи Россиядин чемпионатда вичин ери-бине Сулейман-Стальский райондин Алидхуьрелай тир  Аслан  Къурбанова  (90 кг) Россиядин чемпионвилин тIвар (гила кьвед лагьай сеферда) къазанмишна.

Асланан ими ва тренер-насигьатчи, дзюдодай дуьньядин чемпион Тельман Къурбанован гафарай малум хьайивал, и чемпионатдин сергьятра аваз А.Къурбанова 5 бягьс кьиле тухвана, финалда вичин къуватар Ингушетиядай тир 5 сеферда дуьньядин чемпион А.Костоевахъ галаз ахтармишна.