Гачалхуьр. СтIал Сулейманан райондик акатзавай Гачалхуьр арадал атай вахт малум туш. Пешекарри малумарнавайвал, хуьруьн тIварцIе авай «гачал» гафунин мана и дуьшуьшда «чIар фейи, чIар аламачир» я.

Куьгьне заманадин маса хуьрерин агьалияр хьиз, гачалхуьруьнвиярни малдарвилел, хуьруьн майишатдин маса хилерал, багъманчивилел машгъул хьана. Кьил хуьн патал лежберар, кеспи ийиз, шегьерризни фидай.

1886-йисан переписдин делилралди, Гачалхуьре 53 майишат авай, жемят 241 касдикай ибарат тир. Абурукай 126 итимар тир, 115 — дишегьлияр.

Чи йикъара Гачалхуьре 44 кIвал ава, 190-далай гзаф агьалияр яшамиш жезва. Ам Цмуррин администрациядик акатзава.

Мурад Мегьамедкеримован «СтIал Сулейманан район: ­тарихдин гелерай» ктабдай.