Квез чидани?

Китайдин Юньнань вилаятдин мулкара, Тайбэй районда,  «Къванерин там» тIвар акьалтнавай чка ава. Адал мад са тIвар ала — Шилинь. Къванерин там Шилинь округдин патав гвайвиляй анал ихьтин тIварни ала.

Ихтилат физвай чка къванер хьиз хкаж хьанвай кIеви киреждин къаябри кьунва. Еке рагар чиляй экъечIнавайбур хьиз аквазва. Хейлинбур къванциз элкъвенвай тарариз ухшар я.  Дегь заманайрилай авай рагари, кьветIери, чарчарри ва вирери махарик жедай жуьредин аламатдин акунар арадал гъизва. Гьавиляй анаг туристрин лап рикI алай чкайрик акатзава.

Алимри къейднавайвал, Къванерин там алай чка са мус ятIани гьуьл яз хьун мумкин тир. Гьуьл кьурайдалай кьулухъ еке ва гуьрчег рагар амукьна.

«Лезги газет»