31-майдиз Дербентда, Лезгийрин госмуздрамтеатрда, композитор, манидар, Дагъустандин искусствойрин лайихлу деятель Къагьриман Ибрагьимован яратмишунрин 50 йисаз талукь чIехи межлис кьиле фида.
Къагьриман Ибрагьимов 750 манидин автор, сад лагьай сефер яз милли авазрин бинедаллаз ансамблар тешкилай, чIехи концертрин 26 программадин регьбер, нотаярни галай манийрин ктабрин автор ва манийрин фестивалрин гъалибчи, «Шарвили», «Зи лезги халкь», «Йисан гьахъ-гьисаб» премийрин лауреат я.
Юбилейдин шад межлисда композитордин дустари, адахъ галаз санал кIвалахай чи машгьур манидарри иштиракда. Абурун арада Фаризат Зейналова, Роза Максумова, Бесханум Гуьлмегьамедова, Омар Меликов, Седагет Саидова ва масабур ава.
Мярекат сятдин 4-даз гатIунда.
Билетар гьавая гузва, кlандайбурувай и нумрайриз зенг ийиз жеда: +7 938 795 99 01; +7 963 407 34 30.
«Лезги газет»
