И йикъара Мегьарамдхуьре, ЧIехи Гъалибвилин 80 йисан сергьятра аваз, женгининни ватанпересвилин «Гъалибвилин эстафета» серенжемдиз талукьарнавай митинг кьиле фена.
РФ-дин ФСБ-дин РД-да авай Пограничный управленидин Дербентда кардик квай къуллугъди тешкилнавай мярекатда и къуллугъдин начальник Владимир Увыхмина, Мегьарамдхуьруьн райондин кьил Фарид Агьмедова, дяведин гьерекатрин иштиракчийри ва масабуру иштиракна.
Къейд ийин хьи, «Гъалибвилин эстафета» 2-февралдиз гатIунна, саки 60 агъзур километр мензил атIана, къецепатан уьлквейрай Россиядив агакьнавай ам дуьньяда виридалайни яргъиди яз гьисабзава. Ам 28-майдиз Москвада акьалтIда. Мярекатдин кьилин макьсад Ватандин ЧIехи дяведин йисара телеф хьайи кьегьалрин экуь къаматар рикIера хуьн я. Адан сергьятра аваз, В. Увыхмина Ф. Агьмедовав «Гъалибвилин эстафета» вахкана.
Чи мухбир
