И йикъара Дагъустандиз РФ-дин зегьметдин министрдин сад лагьай заместитель Ольга Баталина мугьман хьанвай. Махачкъалада РД-дин Гьукуматдин Председателдин сад лагьай заместитель Руслан Алиева адахъ галаз гуьруьш кьиле тухвана.
Р. Алиевани О. Баталинади яшайишдин сиясатдиз талукь са шумуд месэла веревирдна. Абурун жергеда СВО-дин иштиракчийриз ва абурун хизанриз куьмекар гун, республикада авай яшайишдин метлебдин объектар цIийикIа туькIуьр хъувун, демографиядиз ва хизандин институтдиз талукь сиясат уьмуьрдиз кечирмишун ва масабур авай.
Гуьруьшдал къейд авурвал, Дагъустанда СВО-дин иштиракчияр патал 150 чарпай авай медицинадин реабилитациядин махсус центр эцигдайвал я. Дарамат эцигун патал чилин мулкни чара авунва ва и месэла РД-дин Кьил Сергей Меликова вичин гуьзчивилик кутунва.
Гуьруьшдикай гегьеншдиз РД-дин Гьукуматдин телеграм-каналдай кIелиз жеда.
Чи мухбир
