Квез чидани?

30-42 метрдин кьакьанвал авай чIехи ирид къванцикай ибарат Маньпупунёр геологиядин памятник Коми республикада ава. «Гару галудай дестекар» тIвар акьалтнавай (виликдай адаз «Мансийские болваны» лугьузвай) 2008-йисуз Россиядин ирид аламатдикай сад яз малумарна.

Гарун ва я тIе­биатдин маса таъсир­дикди маса жинсери­кай чара хьана, кIун­тIал са жергеда дестекар хьтин ирид кьвал хкаж хьанва.  Абур алай тепедиз коми чIалал «Болвано» лугьузва, яни «идолдин дагъ» лагьай чIал жезва. Чкадин агьалийрин медениятдал, адетрал асаслу яз, и «имаратдин» кукIвал акьахун муртадвал яз гьисабзава.

Инсанар яшамиш жезвай чкадивай хейлин яргъа аваз хьуниз килигна, «Гару галудай дестекрин» патав анжах хъсандиз гьазур хьанвай туристривай физ жезва. Ам алай мулкар къаравулвалзавай къурух тирвиляй аниз анжах администрациядин ихтиярдалди ахъайзава. Турист­рин арада и чка «Россиядин ирид аламат» конкурсда гъалиб хьайидалай кьулухъ машгьур хьана.

«Лезги газет»